വീണ്ടും  മഴ
കുറേ നാളുകൾ കഴിഞ്ഞ്
ഇന്നാണ് നീ  വീണ്ടും വന്നത്‌
പരിചയം പുതുക്കൽ
ഇത്ര ശക്തമാകുമെന്ന്  ഞാൻ കരുതിയില്ല

കാറ്റിനൊപ്പം  ആഞ്ഞടിച്ച നിന്റെ
ഓരോ തുള്ളിയും ട്രെസ്സിന്റെ മുകളിൽ
ഒരു  വെടികെട്ടിന്റെ  ശബ്ദഗാംഭീര്യത്തോടെ
വീഴുന്നത്  ഞാൻ കേട്ടു

പുരപുറത്തെ കോണ്‍ക്രീറ്റ് ചെയ്ത
കമ്പികളുടെ ബാക്കി ;അതിനിടയിൽ നിന്ന
എന്നേ നീ തൊട്ടും തലോടിയും പ്രലോഭിപിച്ചുകൊണ്ടിരുന്നു
നാളുകൾക്കു ശേഷമുള്ള മഴയാണ്
നിന്നിൽ നനയരുത്  എന്നെന്റെ അമ്മ 
പനി  വരുമത്രേ
വർഷങ്ങൾക്കു ശേഷമുള്ള കൂടികാഴ്ച്ചയല്ലെ
നിന്നിൽ നനഞ്ഞിട്ടെഉള്ളു  എന്ന്  ഞാനും

 കൂടെ നനയാൻ ആരുമില്ല
എന്നത്തേയും പോലെ  നീയും ഞാനും മാത്രം

വെയിലേറ്റു  വാടിയ വീട്ടുമുറ്റത്ത്‌
ഇപ്പൊ നിന്റെ മണമാണ്
പച്ചമണ്ണിന്റെ ഗന്ധം


നിന്നെയും ആസ്വദിച്ചുകൊണ്ടിരിക്കെ
അമ്മയുടെ ശബ്ദം
നിന്നെയും എന്നെയും ചീത്ത വിളിച്ചു കൊണ്ടുള്ള വരവാണ്
ഒരു കയ്യിൽ തോർത്തും  മറു കയ്യിൽ രാസ്നാദി പൊടിയും
ഞാൻ പോകട്ടെ ,ഇനി കാണും വരെ
നിനക്ക്  നന്ദി.....